السلام عليكم ورحمه الله وبركاته ..
يسعد ايامكم حبايبي ..
من زمان ابغى اكلمكم عن مناكير ام دي الي اعتبرها
صراحه من المناكير المظلومه من قبل البنات هههههههههههه
فا جمعت كولكشن من المناكير عشان اسوي عنهم بوست واذا في
تعليق على لون معين راح اذكره تحت كل لون ...
..
قبل ابدأ في الالوان الي عندي بكلمكم شوي عن الماركه :
ماركة ام دي ماركه ميك اب طبعا رخيصه بالنسبه للبراندات الثانيه
ما اقدر اكلمكم عن الميك اب حقها لاني صراحه ماقد جربتها ولا احس عندهم تشكيله كثيره
من البلاشرات و الاروج بسس المناكير عندهم الوان كثيره وفيها منها انواع
حبيت في المناكير تبعهم اول حاجه عندهم تشكيله الوان مررررره كثيره وبدرجات يعني
الموف الوردي الاحمر البني الازرق و الاخضر بدرجاته من الغامق للفاتح
هذا الشيء مره حمسني اجرب هذي المناكير ..
غير كذا الي حسيت من جد البراند مظلومه اللون من اول طبقه يوضح سواء لون فاتح ولا غامق
و إذا مره ما وضح من طبقتين بالكثر يوضح .
الفرشه حقتها يمكن مو الكل يحبها لانها عريضه وتشيل للون كثير ^^
كثره الالوان عندهم وخياراتهم الكثيره هو الي خلاها مميزه عندي ^^
سعر المناكير الواحد ب 20 ريال ..
..
طيب راح احط لكم ذحين تشكيله الالوان الي عندي مع رقمها + سواتش من تصويري ^^
.
.
1- رقمها 63
اللون مايل للفوشي حلو ويلبق على كل البشرات يطلع حلو اللون الفوشي ^^
.
.
2- رقمها ملخبط عندي ع الورقه مكتوب 2 وعلى نفس العلبه محفور رقم 29
من الالوان الي مرره احبها ما احسه احمر ولا عودي جاي في النص وكثير استخدمه اللون هذا :)
.
.
3- رقمها 58
اللون هذا مو عارفه اوصفه بسس غريب وصعب القاه في اي براند ثاني
يعني احسه غريب واحبه مرره على اليد :)
.
4- رقمه 4
هذا حبيب البنات اللون لون عودي غامق شتوي بس بالنسبه لي عشان احبه
عادي احطه في كل المواسم هههههه اهم شي حلو
بس ماعليش ماسويت له سواتش لان الفوتو خرب عندي بس في اول صوره
اللون 3من اليمين ^^
.
.
5- رقمه 61
لونه بني فاتح مو مره مع اللون هذا لا في لبس لا في ديكور لا في اكسسوارات
مدري ليه هههه بس للتغير اخذته ^^
ع البشرات الفاتحه بيطلع جمييييل ^^
.
.
6- رقمه 70
هذا اللون على بالي بنفسجي ع اسود بس وقت حطيته
يطلع بنفسجي ع نيلي كذا مو مره احطه لان اللون جري شوي هههههه
.
.
7- رقمه 181
هذا اللون حلو و مو حلو احسه يبهت اليد وكذا تحسي يدك تعبانه هههههههه
المهم للتغير اخذته كنت بشوف اللون كيف بيطلع بس تخيلته ع بشرات فاتحه بيطلع احلى
انا سمراء مو مره عجبني وما استخدمته الا مره وحده ^^
.
.
8- هذا الشفاف احطه قبل ما احط اي للون غامق عشان الالوان الغامقه بعد ما تمسحينها
تطبع ع الاظافر واحطه كمان بعد ما احط اي للون عشان يحفظ اللون مايتقشر ^^
..
بس كذا خلص البوست قلت انزله لكم في فتره الاجازه بما ان عندي وقت
و إن شاء الله اقدر انزل غيره كمان في الاجازه هذي
مو أكيد بس بحاول :)
يسعدكم المولى وإجازة سعيده عليكم يارب ^^
ليست هناك تعليقات:
إرسال تعليق