مشكلة / حل (تساقط الشعر) + منتجات طبيه (شامبو H-KERATINEUM)(بخاخ/لوشن Lavilon)

السلام عليكم ورحمة الله وبركاته 

يسعد ايامكم حبايبي 

كيف حالكم ؟ إن شاء الله الجميع بخير ^^ 

..

..

المنتجين الي راح اتكلم عنها اليوم ان شاء الله تكون حل لكثير بنات يعانون من نفس مشكلتي 

الشعر الضعيف الفروه التعبانه هههههه ^^ 

قبل فتره طويله نزلت منتجين ع الانستقرام بخاخ و شامبو وقلت لكم الي وصفها لي دكتور عشان 

شعري الي كان الفتره الي راحت يطيح بشكل يخوف وخفت لو ما اهتميت اصير صلعاء ^^ 

واساسا انا شعري تعبان نفس فروه شعري كانت تعبانه ومع التساقط من جد قلت لاااااازم انتبه لوضعي 

** ايش مشكله  شعري : 

نفس فروة شعري ليينه مررره واحسها منفوخه كأنها كيس مويه هههههههه  شفتوا فروة الاطفال نفسها تماما 

وغير كذا كان في فراغات في شعري بسبب التساقط 

وكمان كنت بين فتره والثانيه تجيني قشره بدون اسباب 

على انه ماا صبغت شعري الا قريب يعني ما اقول الصبغه وصبغه بدون سحب لون ولاقد استخدمت الميش وهذي 

الحاجات الي اعتبرها تدمر الشعر صراحه ^^ 

** ايش قصة المنتجين هذي ؟ 

رحت راجعت دكتوري المفضل الي خلاص معد براجع الا هو ^^ 

فا اول حاجه سواء لي تحليل دم ع اساس يشوف اذا كنت ناقصه حاجه معينه يمكن يكون السبب منها 

بس الحمد الله كل حاجه تمام ماعندي نقص ابدا ^^ 

وكتب لي المنتجين هذي 

قال اذا ما مشيت معك تمام او شفتي منها مشكله راجعيني 

**ايش هي المنتجين / طريقه الاستخدام اسعارهم ؟


..

..

1- الشامبو H-KERATINEUM من شركة Pharmaceris .  

الشامبو هذا للشعر المصبوغ  ( صبغه غامقه ) والدهني  والعادي فا لو كان شعرك جاف 

اسئلي عن نفس نوع الشامبو بس للشعر الجاف 

لان لو اخذتي نفس حقي راح يجف شعرك مرررره  

أيش يسوي ؟ يقوي الشعر الضعيف يخفف التساقط نسبه 70% 

كم يوم تستخدميه ؟ يوم بعد يوم لمده 3 اشهر . دلكي فيه شعرك لحد تطلع رغوه 

وخليه لمده دقيقتين وغسليه بعدها . 

سعره : 110 ريال . 

..

..

2- البخاخ ( لافيلون لوشن ) من شركة كاستاليا { Lavilon - Castalia } 

البخاخ لكل انواع الشعر 

ايش يسوي ؟  يخلي شعرك قوي ويمنع التساقط وكمان يخلي الشعرك يكثر مع الوقت 

كيف تستخدميه ؟! انا استمريت عليه تقريبا اكثر من نص شهر كل يوم 10 بخات ودلكي فيها فروه شعرك 

احس بحراره بس شوي وتروح خفت منها بس قرأت على علبه البخاخ يقولوا اذا حسيتي بالحراره هذي دليل 

على ان البخاخ بدأ يسووي مفعوله ^^ 

المهم صرت استخدمه يوم بعد يوم واحيان افوته ^^  

نصيحه : لكن بما انه بتشتريه بدون ماتراجعي دكتور انصحكم بالطريقه هذي الي هي مكتوبه ع العلبه :

 اول استخدام يكون يوما مده 24 يوم  , بعدين يوم بعد يوم لمدة 48 يوم , 

وكاتبين للوقايه مره وحده بالاسبوع لمده 4-6 اسابيع في كل سنه ^^ 

لانه طبيعي زياده الشيء مضره مهما كانت نتايجها حلوه فا الاعتدال عشان لاتنكبي نفسك ^^  

سعره : 295 ريال 

** شويه معلومات عن تجربتي معه : 

انا الشامبو صرت ماغسل شعري الا بهذا الشامبو و وقفت كل الحاجات الي كنت استخدمها من فاشكول من منتجات 

ماكديميا من منتجات لــش ليه وقفتها لاني حطيت احتمال انها تكون سبب من اسباب الي تساقط شعري منها 

لاني جات فتره لخبطت في المنتجات استخدمت اكثر من منتج انا ما اقول هي السبب لكن عشان ابدأ في الكورس 

العلاجي تمام وبدون مشاكل واشوف النتايج صح قلت ضروري اوقف كل حاجه استخدمها 

خصوصا ان اسعار المنتجات غاليه ودايم المنتجات الطبيه هذي تكون غاليه اسعارهم 

مو عدل اضيع فلوسي وبعدين اقول ماا صار شيء ^^ 

الشامبو فعلا استخدمته تقريبا لمدة 3 اشهر بس الشهرين الاخيره مو يوم بعد يوم لا لخبطت هنا صارت تمر 

3 ايام وبعدين اغسله بس ما اغسل الا بالشامبو هذا وبنفس الطريقه هو بس الايام فوت فيها ^^ . 

والشامبو خلص الحيين والبخاخ باقي في منه شوي 

بالنسبه للبخاخ تقريبا 20 يوم استمريت 10 بخات كل يوم بعدها بدأ افوت مره بالاسبوع مرتين وهكذا 

** النتائج الي شفتها شخصيا : 

الشامبو في البدايه كنت احس بحكه بغيت ابطل بس قلت لا بكمل ^^ 

بس مع الوقت اختفت الحكه هذي فروه شعري صايره اقوى حتى امي واختي 

امس يستشوروا شعري يقولوا فرق عن زمان مررره طالع شعري بطل الحمد الله < فيس فرحان هههههه

 فروتي اللينه صارت اقوى 

الفراغات الي كانت فيه بدأت تختفي بشكل كبير التساقط من 2 استخدام وقف بنسبه 50% 

والحين صار معد ينزل الا شعرتين واحيان ماينزل ابدا 

القشره اختفت من شعري مرره 

طبعا هذي النتايج طلعت مع المنتجين البخاخ و الشامبو كلها مكمله لبعض ^^ 

ما ادري اي واحد فيهم اعطى نتايج احلى واسرع بس الي طلعت منه ان المنتجين هذي بطله ^^ 

** نصائح مني :

الافضل الي عندها مشاكل في شعرها تروح دكتور كويس وسمعته حلوه 

لان الشعر لو راح معد يرجع الا بششق الانفس ضروري تنتبهي له 

والي تعاني من تساقط تسوي تحليل دم لان تساقط الشعر ممكن السبب يكون نقص فيتامينات 

والي حاسه انها تعاني من نفس مشكلتي ولا عندها في المنطقه دكتور/هـ كويس تستشيره 

وحابه انها تبدأ كورس المنتجين هذي تبدأ بس ضروري تنتبهي للي قلته فوق 


**تقيمي للمنتجين : 
10/10  
:) 

..

وبس إن شاء الله يكون البوست اعجبكم وفادكم 

اي استفسار اي اقتراح انا في الخدمه بإذن الله 

أحبكم وربي يسعدكم ^^