علاج طبي لحب الشباب (للبشرة الدهنية ) + تجربة أختي

.

السلام عليكم ورحمة الله وبركاته

يسعد ايامكم حبايبي

وهذا اول بوست في السنه الجديده 2015

أدري مقصره مرررره بس عشان الدراسه و النوم ماخذ اغلب وقتي ههههههههههههه

لا بس من جد انا يعني ماقدر اركز في اكثر من حاجه يا دراسه يا مدونه وعندي افكار كثير بطبقها للمدونه

بس انا حاسه ان بيجي اليوم الي افضى للمدونه و ببدع فيها اكثر وراح تكون احسن من كذا ان شاء الله

المهم الموضوع اصلا طويل فا مابطولها زايده  ^^

في كذا بنت وقت حطيت لكم ان اذا تبغون علاج وتجربة اختي مع حب الشباب طلبوها مني

فا احس طولت زياده بالموضوع عشان كنت بعطيها فرصه تجرب منتجات ذا فيس شوب

عشان يصير الموضوع كامل مره وحده

طيب نبدأ بتكلم اول بـ
.

* حاله أختي و طبيعه حب الشباب كيف ؟!

حب الشباب عندها احمر وفي حب كان تحت الجلد و كمان اثار حب الشباب كانت فيها

صراحه المشكله هذي كانت متعبتها يعني استخدمت الحاجات الطبيعيه وكذا بس ما اعطتها نتيجة حلوه

بدأت المشكله معاها يمكن من ثالث متوسط تقريبا

بدأت العلاج في الجامعه :)

* كيف عرفت العلاج ؟!

راحت المستشفى طبيب جلديه

كشف عليها وكمان سوى لها تحليل دم !!

قال لها ان حالتك شوي صعبه محتاجه وقت وصبر عشان توضح النتيجة من العلاج :)

* ايش المنتجات الي كتبها لها ؟!
..

1- غسول/ منظف  HISTOMER - LIGHTENING FORMULA

هذا الغسول يفتح و يجدد البشرة ترى عادي اي وحده تستخدمه مو شرط عندها حب شباب

امي استخدمته معاها فتح لها بشرتها بس يجفف البشره شويتين فا لازم ترطيب بعده

انا احب استخدمه بعد ما اشيل الميك اب احسه ينظف لي بشرتي لان هو كأنه منظف حليب

هو بالحليب اصلا حتى قوامه خفيف مره حلو احساسه ع البشره فا انصح فيه حتى البنات

الي مايعانوا من حب الشباب ^^

سعره : مو فاكره بالزبط بس 100 وشوي 

.

.
2- كريم TORENTE

هذا مخصص لحب الشباب

معليش علبة الكريم حالتها حاله هههههههههه

سعره :210 ريال 

.

3- اعطاها حبوب بس ماستمرت عليها يعني طلعتها برا العلاج عشان كذا مابقول اسمها

عشان في بنات ممكن تروح تشتريها بدون ما تستشير دكتور فا تسبب لنفسها مشكله ^^

..

* تجربتها مع المنتجات الطبيه :

بدأت الكورس فعلا مو من فتره بسيطه وضحت النتيجة الي تبغاها

بس بشرتها صارت تتحسسن بالتدريج ذحين بشرة وجهها  اقدر اقول لكم 90% صارت كويسه مره

فرق بين كيف كانت وكيف صارت بس تعبت جد :")

الغسول  مرتين في اليوم  ليل و نهار

الكريم في اليوم مرتين تستخدمه ليل و نهار كمانه

طيب مدري كيف اقول لكم لكن الاثنين اعطوها نتيجة مرره حلوه خلال شهر ونص تقريبا 

لاحظت ان العلاج مرره جفف بشرتها  كانت متوقعه هذا الشي ^^ 

طبعا استخدمت مرطب مثل عندكم سيتافيل احس ترطيبه خفيف وينفع لانه منتج طبي 

لكن عندك مثلا كريم اورنج دايلي احس مايناسب البشرات الدهنية لان انا اوقات يطلع حبوب 

لان ترطيبه قوي فا مايناسب البشرات الدهنيه ^^ 

.

* بعد العلاج : 

بعد ما حست ان بشرتها مو محتاجة كريم TORENTE 

وقفت استخدامه بس استمرت ع الغسول لانه عجبها كثير ^^ 

..

.

استخدمت مقشر من نيتروجينا جدا ناسبها على انه مو مخصص للبشرة الدهنيه 

لجميع انواع البشره حتى انا اعجبني لانه كذا ينشط البشره كثير اعجبني :) .

.

.

بعد كذا اشترت منتجين من ذا فيس شوب 

كريم ينحط ع الحبه يصححها و يخليها تروح 

بس مو من اول مره تروح الحبه 

بس اعجبها الكريم شفتوا وقت تطلع الحبه تكون توجع و ودك تفقعينها ههههههههههه 

هذا لا بس تحط ع الحبه من اول ماتطلع تقوم اليوم الثاني الاحساس هذا يروح خلاص 

يعني هذا اكثر شي اعجبها كأنه ينظف الحبه ^^ 

.

بالنسبه لـ التونر :

هذا تسخدمه بعد ماتجي من الجامعه تنظف وجها من واقي الشمس 

وغيره , بس يجفف البشرة فا بعد التنظيف استخدمي كريم مرطب خفيف ترطيبه 

زي ماقلت حسيت كريم سيتافيل مناسب نوعا ما ^^ 

.


* ملاحظة ضرورية : 
بنات مو شرط تروحي تسخدمي هذي الحاجات 
تلقين نتيجة لان كل بشرة تختلف عن الثانية 
هذا شي طبيعي جدا عشان كذا 
أفضل شي التجربة لان انا ممكن امدح حاجه 
انتي استخدمي هذا الشي ماناسبك ولا اعطاك النتيجة 
الي اعطانياها انا 
يعني هذا الشي تقبلية لانه شي طبيعي 
خصصوصا في علاجات البشرة و الكريمات 
يعني ممكن الميك اب نتفق فيه بس 
الكريمات الغسولات الحاجات الخاصه بالشعر 
هذي كل وحده تختلف عن الثانيه 
بس :) 

..

إن شاء الله يكون البوست عجبكم 
أحس مشتت شوي البوست 
بس حاولت اكتب كل شي فاكرته 
فا اذا عندكم سؤال عن نقطه ماقلتها 
تفضلوا حياكم في أي وقت 
:) 

تواصلوا معايه في تويتر والانستقرام حسابي واحد فيها 
@diamond9950