سلسله سنه اولى جامعه , الملابس وتنسيقات مختلفه 2

..

السلام عليكم ورحمة الله وبركاته

يسعد ايامكم ياحلوين

كيفكم ايش مسوين إن شاء الله الجميع تمام ومبسوطين!! ^^

المهم البوست طويل فا مابطولها بالسواليف خلونا بالمهم ههههههههه  .

هذا البوست تابع لسلسله سنه اولى جامعه وهذا 2 جزء من السلسله الي هو عن الملابس

والتنسيقات ودخلت معها الشوزات والششنط والاكسسوارات عشان ما اطول عليكم في الاجزاء

واخلص السلسله بسرعه ونبدأ نروح الاسواق وهكذا لان انا ببدأ اقضي يوم الاحد ان شاء الله

>>> يووووه رجعت للسواليف  .

المهم < كم مره قلت المهم !!  .

طيب ادخل بالموضوع دغري ملابس الجامعه والتنسيقات

الالوان عن نفسي اشوف كل الالوان مناسبه بسس بعض الالوان القويه تحتاج تكسرينها !!

كيف يعني تكسرينها !!؟

مثلا اللون الاصفر ممكن يكون بلوزه كت اصفر وعليها كرديغان كحلي او اسود او رمادي غامق هنا كسرتي من حده اللون الاصفر

وهكذا مع بقيه الالوان

إن شاء الله تكونوا فهمتوا علي بهذي النقطه *

..

طيب نجي للقطع الاساسيه بعض الجامعات عندهم البناطيل عادي والبعض ممنوع وبعض الجامعات التنانير فقط

والبعض مثل جامعتنا الحلوه بس تنوره سسوداء لا غير يعني مانقدر نغير بالالوان وش الهدف مدري  .

لكن اتوقع اغلب الجامعات مسموح بجميع الالوان في التنانير لكن جامعتنا حاله خاصه خلوها ع جنب  .

بس كل الموديلات مسموحه بس الشرط تكون التنوره سوداء !!!!

طيب الموديلات في التنانير !!

*ذحين الموضه التنانير ماكسي تجي مكسره و واسعه طبعا تكسيراتها تجي طولي بالاغلب

**التكسيرات الطوليه في التنانير تعطي طول ونحافه

**التكسيرات العرضيه في التنانير تعطي قصر و امتلاء بالجسم

فا كل وحده تشوف الي يناسب جسمها وانا حطيت تنسيق على تنوره ماكسي تشوفونه بعض ماخلص  .

* في تنانير القطنيه تجي فضفاضه وبارده وقطنيه هذا عشقي يعني عمليه احسها وغير كذا مريحه

وموديلاتها كثيره وحتى لو كان الموديل الي ع جسمك بس ماتكون ضيققه عكس الاسترتش

*في تنانير الاسترتش هذي كثير بنات يفضلونها انا للامانه اشوفها حلوه لكن برضوا ما

تريح في اللبس و مزعجه نصيحه البنوتات المليانه اجسامها لا يقربون التنانير الاسترتش

لانها ابدا راح يكون شكلها مو حلو

البنات المليانه اجسامهم حلوه لهم التنانير مدري ايش يسموا قماشها لكن تجيك عاديه لا قطن ولا استرتش

ولا ماكسي لان الماكسي كمان احسها تعطي امتلاء للجسم وحتى لو كان تقسيماتها طوليه لانها واسعه

فا تعطي نفششه في الجسم بشكل عام 

لكن انا اشوف كمان التنانير القطنيه حلوه على المليانه اجسامهم لانها ماتجي ماسكه ولا واسعه يعني ع جسمك

طبعا ع حسب الموديل لان في تنانير قطنيه موديلها مثل الماكسي فا ماتصلح

بس الاكيد تصلح للمليانه اجسامهم هي التنانير الي قماشها عادي نسيت اسم القماش !!

البنات النحيفات مررره كمان لا يقربوا تنانير الاسترتش لان شكلها بيطلع مرره مو حلو

النحيفات مره يبغالهم تنانير واسعه فيها كسر كثير عشان تعطيهم امتلاء في الجسم وبنفس الوقت كشخه عليهم

اما البنات الي اجسامهم حلوه هذولي يلبسوا اي حاجه بيطلع عليهم حلو 

.

** نجي للبناطيل راح اتكلم عنها تحت كل تنسيق ومين يناسب ومين مايناسب !!

طيب قبل ابدأ في التنسيقات والصور

راح اتكلم عن الشوزات والشنط وراح تلاحظوا في تنسيقات هذا الكلام :

**الشنطه 

خذي لك شنطه عمليه اختاري الوان الشنط تصلح مع كل حاجه عندك الالوان الي اشوفها راح تفيد بالغرض

اللون الاسود و الابيض والكحلي والبني او البيج ططبعا انتي في النهايه مممكن تعجبك شنط اللوان غير الي ذكرتها

لا تحرمي نفسك منها خذيها لانها ع الاكيد راح تفيدك ^^ .

ايوه الشنطه خذيها متوسطه عشان تكفي الكتب وشنطه الميك اب واغراضك الي تستخدميها

** الشوزات

افضل في الشوزات الفلات و الصنادل والسبورت للجامعه لان لو بتلبسي شوزات عاليه

راح تتعبك كثثثير كثيير وكل التنسيقات الي حطيتها استخدمت بس الفلات والصنادل والسبورت

لان الجامعه مشي من قاعه لقاعه مو معقول تكوني لابسه كعب عالي ممكن يكون الكعب واطي شوي

لان بجد بالنسبه لي احسها تعب  .

الالوان الشوزات مثل الشنط اسود وابيض البني والبيج يعني الالوان الي تقدري تلبسيها مع كل ملابسك

لكن في النهايه انتي ادري بملابس والالوان الي راح تكون كثيره عندك ^^

طيب كذا خلصت تقريبا بس ابغاكم في التنسيقات ماتتقيدي باللون

انتي لاحظي الموديلات مع بعض كيف موديل التنوره و كيف موديل البلوزه المناسب معها

لكن الالوان انتي تقدري تكوني اكثر من للون غير الي حطيتها لكم ^^

وانا بقول لكم ملاحظتي على كل تنسيق .

ولكل وحده ذوقها يعني يمكن ذوقي في الالوان في تركيب القطع مايعجبك عادي بالعكس يمكن يكون

عندك فكره احسسن من الي سويتها كوني بذوقك انتي عشان تكوني مميزه 

وممكن يكون ذوقك مثل ذوقي فا هنا مافي مشاكل ان شاء الله ههههه ^^  .

طيب نبدأ بالتنسيقات بسم الله :

..

..

* هذي تنوره ماكسي تقسيماتها طوليه عليها توب ابيض مشجر من فوق بالوان كثيره

والبلوزه الزهريه من فوق لاحظوا اخترت البلايز الي ما تتجاوز الخصر لان التنوره ماكسي

فا الاغلب ماينفع معاها الا البلايز القصيره مثل ماخترت هنا وانتم اكتب في قوقل تنانير ماكسي

شوفوا كيف البلايز او الجاكيتات الي معها بموديلات مختلفه .

..

..

* هنا تنوره اتوقع ان قماشها قطني بس موديلها عادي

الموديل الي مثل كذا ينفع معه اي نوع من البلايز يعني تتفنني في اختيارك للبلايز

مثل ماسويت هنا اخترت بلوزه عاديه وحطي معها سلسال بسيط هنا حسيت الشكل

بيطلع احلى مع الصندل اكثر من الفلات وبس هذا التنسيق مره بسيط ما فكرت فيه كثير ^^ .

..

..

* هنا نفس التنوره الي فوق بس غيرت البلوزه

اخترت تي شيرت قطني عادي مع الكارديغان ممكن تدخلي البلوزه القطنيه

من تحت التنوره وتضيفي حزام معها والشنطه والشوز اسود

..

..

* هنا تنوره قطنيه كأن في كسر بسيطه من الوسط بس موواضحه

مريحه وفضفاضه ماتحسيها ماسكه مره ع الجسم التنانير الي مثلها

كمان يجي معها اي نوع من البلايز يعني لكي الحريه فيها هنا اخترت كرديغان تفاحي

عشان اغير في الالوان والبدي اخذت ابيض ممكن تضيفي سلسله سوداء ناعمه معها

..

..

*هنا غيرت للون التنوره < اخيرا ههههه

اخترت للون كحلي والتوب مشجر بأكثر من للون ومعه البلوزه ازرق مايله للكحلي

بس حبيت اغير في اللوان الشوز اخترت الكحلي وكمان الشنطه ممكن تحطي الشنطه

والشوز للون ثاني مثلا البيج الفاتح كمان بيطلع حلو ^^ .

..

..

*هنا رجعت للتنوره السوداء احسن التنسيق عليها اسهل مدري انا تعودت ع التنانير السوداء :&

التنوره هنا موديلها ععادي اخترت بلوزه مت تحت بيضاء منقطعه بالاسود الخفيف

وقميص جينز غامق من فوقها وانتي تسوي الحركات تدخلي جزء من البلوزه وجزء من القميص

ايوه هنا التنوره من شرط تكون سوداء ممكن رمادي غامق او زيتي ع رمادي او كحلي بتطلع حلوه

..

..

* تنوره مخططه ابيض واسود خطوط نحيفه مخططه بالعرض و قماشها قطني

اممم تعطي قصر بس احسها تطلع حلوه مرره

البدي ابيض وحطيت معه جاكيت جينز يكون قصير يعني قبل الخصر يكون

انتبهي بالجينز يكون خفييف عشان مع الصيف حر ^^

..

..

* هنا تشبه التنوره الي فوق لكن خطوطها اعرض موديلها اوسع نفس القصه غير

الاسود غالب عليها اخترت معها بلوزه سوداء تكون واسعه وحطيت حزام بني عشان يغير بالالوان

وكذالك الشنطه والشوز اللوني البني معها ممكن تغيري في للون الحزن مثلا بللون الاصفر او الاخضر

البلوزه ممكن تكون قطعتين مكونه من بدي وكرديغان البدي ممكن يكون للون مختلف مثلا لليموني والكرديغان الافضل

يكون اسود ^^

..

..

* هنا رجعنا للتنوره الماكسي التغير هنا بالبلوزه

ممكن تجيبي اي بلوزه وتربطيها مثل كذا كمان يطلع الشكل جميل

الشنطه غيرت وخليتها ببنفس للون البلوزه بس مشجرهـ عشان تعطي تغير شوي ^^

..

..

* هنا مره عجبني موديل التنوره قطني قماشها

احسها مو اسود خالص مايله ع الرمادي شوي فا حطيت معها كارديغان رمادي

والبدي غيرت وحطيت للون احمر ممكن تغيري في للون البدي والكرديغان

والشوز والشنططه كمان غيرت بالالوان وخليتها ابيض ممكن تكون رمادي او اسود ^^

..

..

هنا اخترت للون التنوره زيتي مايل للرمادي التنوره واضح القماش قطني فضفاض 

وحطيت معها بدي مشجر اكثر تشجيراته باللون التفاحي وفي اللون الموف معه لكن بنسبه اقل 

وحطيت فوقه هذا الكرديغان الابيض مايل ع البيج الفاتح جدا وبس التغير هنا بالبدي المشجر 

والشوز والشنطه لونهم زيتي غامق ^^ .

..

..

هنا للون التنوره بيج تقريبا فاتح القماش هذا هو الي اقول يصلح للي مليانه اجسامهم 

المهم اخترت للون البلوزه اورنج ع زهري كذا و غيرت بالسكارف البحري 

استخدموا السكارفات الشيفونات او الي 

قماشها خفيف في الصيف حلوه وتعطيك لوك جميل كمانه ^^ 

..

نبدأ بتنسيقات البناطيل ماكثرت لان احس البناطيل يمشي معاه اكثر من تنسيق ممكن كمان 

تأخذي من التنسيقات الي للتنانير ^^ : 

..

هنا بنطلون جينز غامق تقريبا من تحت واسع ومكفوفه اطرافه 

حطيت معه بلوزه شيفون مشجره تشجيرات بسيطه ممكن تكتفي بالبلوزه يعني 

بدون ماتحطي الجاكيت وكمان لو اضفتي الجاكيت يعطي لووك حلو ^^ 

..

..

هنا بنطلون زهري فااااااتح مرره استخدمت معه قميص جينز وتوب من تحت مشجر 

ممكن تربطي القميص من الخصر و تدخلي التوب من تحت البنطلون او تسيبي القميص 

مفتوح وتدخلي التوب من تحت وتضيفي حزام ^^" .

..

..

هنا بنطلون بيج فااااتح مره وحطيت عليه بلوزه واسعه سوداء 

وحزام وشوز تايقر عشان بس يعطي تغير في الشكل ^^"

..

..

هنا بنطلون مخطط باللون الاسود والابييض هنا ممكن تحطي البلوزه اسود او ابيض او 

تحطي قميص جينز فاتح هنا حطيت اسود واضفت حزام احمر ممكن الحزام يكون اصفر او اخضر 

وبس ^^ .

..

..

هنا البنطلون الاسسسسسود بدي مشجر مع كارديغان عشبي او ازيتي هههه 

ممكن تغيري للون الكارديغان للون سماوي او اورنج فاتح او ازرق ^^ 

..

..

هنا جمعت كل اللوان البناطيل الي بالصوره بالاضافه للون الزمردي و الاخضر والتفاحي 

كلها تركب مع توب مخطط ابيض واسود وجاكيت اسود ^^ .

طبعا تركب معها بلايز ثانيه ^^

..

..

هنا بنطلون ابيض والابيض يركب معه اي للون يعني ماتتعبي فيه 

وخصوصا الالوان الغامقه بتطلع احلى من الفاتحه معه هنا اخترت معه اللون الموف 

الغامق ^^ .

..

..

..

كذا اكون خلصت التنسيقات الي في البوست اكيد اكيد ماراح اكتفي بالتنسيقات هذي 

راح انزل كمان لكن ممكن انزلها في الانستقرام او تويتر لاني ابغى امشي في السلسله 

عشان تفيد البنات قبل يقضوا ^^"  

..

ايوه لو تلاحظوا ماحطيت تنسيقات للتنانير الميدي القصيره لان وضعها مثل 

التنانير الطويله يعني راح تستفيدي من تنسيقات التنانير الطويله عليها  ^^ 

.

ممكن تشاركوني رايكم ع التنسيقات واذا عندكم اضافات اتشرف فيها 

ممكن تشاركوا معاي في التنسيقات وتفيدي والبنات فيها 

يعني سوي تنسيقك و حطيه في تويتر او الانستقرام اكيد راح يستفيدوا البنات منه 

..

ملاحظه / بعض البنات ممكن تقول انا رايحه جامعه ماله داعي هذا كله 

ومدري كيف المهم انا اشوف انه لو ما لبسنا في هذا العمر متى نلبس ونتكشخ !! ^^" 

يعني كل شي له حده هي صح جامعه بس مو يعني ما نلبس ولا نتزبط وكذا 

يعني البسيط المرتب الي يرضي نفسك قبل كل شيء ^^ 

وبسسس 

فرحت كثير بالمتابعات الجدد ان شاء الله اكون عند حسن ظنكم وتستفيدوا مني يارب ^^ 

البوستات الجايه من السلسله ماراح تكون طويله مثل هذا ^^ . 

..

اذا اعجبكم البوست بلييز انشروه واذا عجبتكم المدونه تقدروا تشتركوا فيها ويوصلكم اي شيء انزله 

اي استفسار اي اقتراح كل معلومات التواصل موجوده فوق في خانه Continue me  

يسعدكم ربي حبيباتي مانحرم منكم ^^