.
السلام عليكم وحمة الله وبركاته
يسسعد ايامكم حبيباتي
وكل عام وانتم بخير بمناسبه عيد الفطر ينعاد عليكم وعلى الناس الي تحبوهم اعوام عديده يارب
..
طبعا ماسويت ولا بوست عن العيد لان بصراحه مافضيت ابدا ابدا والعيد المفروض نجهز له من شعبان
عشان كذا ما سويت لكن بما ان الجامعه جايه وذحين تبدأ حوسه ملابس الجامعه ووووالخ
..
وفي بنوتات تكون لهم اول سنه جامعه و مو عارفين مجتمع الجامعه او مو عارفه كيف تشتري ملابسها
وايش الي يناسب والي مايناسب الجامعه كلنا في بدايه دخولنا الجامعه يعني تعبنا شوي من كل شي ومن ضمنها
الملابس والاهتمام لانه مجتمع غير عن المدرسه من ناحيه التقيد في اللبس لكي الحريه في اللبس طبعا
..
ولكل جامعه قوانينها وشروطها فا اول حاجه اعرفي قوانين جامعتك في اللباس هل مسموح البنطلون التنانير الميدي او القصيره
هل كل اللوان مسموح فيها ولا في اللوان معينه البلايز من ناحيه الكت او كم حيران وهكذا عشان وقت تنزلي السوق
تعرفي ايش الشي الي بتاخذيه وبتلبسيه و واثقه انه مو ممنوع .. ^^
..
طيب قبل ابدأ في البوست البوست راح ياخذ مني يمكن 3 او 4 بوستات يعني بتكون مثل السلسله الخاصه ببنت الجامعه ^^ .
و السلسله راح تفيد اكثر شيء البنات الي داخلين الجامعه اول سنه لهم يعني راح اعرض تنسيقات ممكن تفيد كمان البنات الي دخلوا
الجامعه وجالسين يقضوا و كذا يعني ^^ .
راح اقسم البوستات بين {نصائح مختلفه + الملابس وتنسيقاتها الالوان + الشنط والجزم والاكسسوارات + الميك اب و الشعر } .
طيب كمان في حاجه بقولها انا ماعرف كل قوانين وشروط الجامعات الي تدرسوا فيها لكن بحاول قد مقدر في التنسيقات انها
تكون مختلفه من تنانير الى بناطيل يعني ان شاء الله الكل يستفيد من التنسيقات ^^ .
طيب البوست هذا راح اتكلم بشكل عام عن الجامعه نصائح اقدر افيدكم فيها :
1_ الجامعه مجتمع مختلف تماما عن المدرسه يعني انتي ونفسك ومصلحتك
وقوانينهم مو بس كلام لازم تطبقيها ولا بتعرضي نفسك للمخالفات < بدري ع المخالفات هههههههه طبعا هذا في جامعتي
يمكن يشددوا فتره وفتره يسحبوا ويتساهلوا
2_ قبل لا تبدأ الجامعه جهزي نفسك نفسيا لها انه راح تمشي فيها وانه راح
تلقي صاحبات واهم شيء خليك واثقه من نفسك .
3_بالنسبه لي اشوف مجتمع الجامعه من ناحيه الحريه افضل بكثير من المدرسه
بس اشتقت لايام الثانوي> محد اشتاق لها مثلي ههههههههههههه
4_الدكتورات والدكاتره كل وحده ولها مود انتي عشان كذا اعرفي شخصيته لكل وحده فيهم عشان ماتعرضي نفسك
لاي شي مو في صالحك هههههههههه بس ان شاء الله كل الي يجونكم حبوبات ^^
..
نجي لاستعدادك لها من ناحيه كشختك :
1_ كوني شخصيتك بنفسك لا تقلدي احد سوي الي يريحك ويعجبك
2_ ملابسك احيان تلقي بنت كل لبسها سبورت وثانيه كل لبسها كاجوال والثالثه لبسها رسمي وفي بنات يلبسوا كلوا ماعندها
ستايل معين انتي شوفي ايش اكثر ستايل تميلي له عشان يساعدك في اختار ملابسك مو شرط يكون عندك ستايل معين
ممكن اي ستايل تلبسي > مثلي هههههه ^^
3_لكل مقام مقال يعني مو معقول ميك اب اوفر مع الصباح ولا تسريحه مدري كيف ولا ملابس كأنك رايحه زواج ابدا ابدا
مو مكانه في الجامعه اكشخي تزبطي لكن بالبسيط البسسيط الناعم المقبول مع الصباح صراحه نشوف بنات احيانا
ودي اسئلها انتي متى تصحين من النوم عشان تسوي الحفله الي بوجهك هذي 
ترى الموضوع هذا كان ودي اكتب فيه بوست لوحده من البدع الي نشوفها في الصباح 
.
.
.
طيب من ناحيه الميك اب المناسب و الملابس المناسبه والشنط والجزم المناسبه للجامعه كل هذا راح اتكلم عنه في بوستات
مختلفه مثل ماقسمتها فوق ^ 
.
.
هذا البوست بس كا بدايه و اعلان للسلسله الي راح ابدأ فيها
..
طيب في حاجه بقولها خارج عن البوست انا ذحين متابعاتي في التويتر 388
قررت لو صار و وصلوا متابعاتي 1000 مدري ايش راح اسوي لكن
بإذن الله راح اسوي قيف اوي و ترى مررره متحمسه اسوي قيف اوي بس ابغى متابعات اكثر عشان يكبر الحماس .
.
..
طيب اذا اعجبتكم السلسله ارجوكم اعطوني رايكم سوا رتويت واذا اعجبتكم المدونه تقدروا تشتركوا فيها
عشان يوصلكم كل جديد انزله فيها
غير كذا ع يمين المدونه سويت اتصال الي هو تكتبي اسم والايميل وتكتبي اي رساله تبغين توصليها لي
اما اقتراح او رآي او حابه اني اتكلم في موضوع تقدري بالطريقه السهله هذي توصلني
تابعوني في تويتر الانستقرام كل معلوماتي موجوده في الخانه فوق Contact me تطلع لك كل حساباتي ومعلوماتي ^^
يسعدكم ربي
ليست هناك تعليقات:
إرسال تعليق