عنايه شامله لطالبات المدرسه والجامعه Back to school | Back to university

السلام عليكم  ورحمة الله وبركاته 

يسسعد ايامكم حبيباتي

ايييوه كيف النفسيات مع الدوامات اذا كنتي جامعيه باقي معكم اسبوع مدري اذا كنتوا مثلنا الاسبوع الجاي

غياب لانه يكون اسبوع حذف واضافه يعني مافي محاضرات  .

 بس المدارس خلاص باقي لكم يومين وتبدأ دراستكم 

بالتوفيق للجميع يارب وإن شاء الله يكون سيمستر خفيف ع الكل =)

..

طيب هذا يعتبر اخر بوست في سلسله سنه اول جامعه هذا على كلامي اول بسسس غيرت رآي ههههههاي

بما اني جاني طلب من وحده حلوه في تويتر تبغى بوستات عن طالبات المدرسه فا قلت ولا تزعل 

فاااااا هذا البوست مشترك بين بنات الجامعه والمدرسسه يعني البوست هذا راح يفيد كل البنات ان شاء الله

لانه يتكلم عن العنايه بششكل عام سواء كنتي بنت متوسط او ثانوي او جامعيه او موظفه فا إن شاء الله هذا

البوسسست راح يفي بالغرض

..

طييب البوست عن العنايه سواء بشعرك ببشرتك با اسنانك ب رائحه جسمك وتقشيره ونعومته

ب صحه شعرك وطبيعته ببشرتك وجهك وحمايتها من اضرار الميك اب

زي ماقلت في الانستقرام لو تتابعوني فيه ان اغلب الصور من تصويري حبيت اغير واخليها من تصويري الشخصي

الا ان بعض المنتجات الي بتكلم عنها مخلصه وقد الشغاله رميت العلب حتى =(

فا بس كتبت اسمائها ..

طيييب ندخل بالموضوع دغري بسسم الله نبدأ :

..

..

*** اول شيء وكثير كررته وكثير انبه عليه لان من جد من جد لازم تنتبهي من هذي النقطه الي هو واقي الشمس

لا تقولين الفاونديشن فيه نسبه واقي لا لا لا يا بنات شمسنا حاره باقي شوي تطلعنا دجاج ع الفحم  .

يعني نسبه الواقي تكون 50% مابغى اعيد اضرار الشمس من تجاعيد وغيره لان انا تكلمت عنه قبل

كذا في بوست خاص وعرضت 3 واقيات وسويت رفيو عن كل واقي وهذا رابط البوست

http://beauty9950.blogspot.com/2013/01/sunscreens.html

..

*** شفت بلوقرز اتابعهم تكلموا عن واقيات الشمس استفدت صراحه منها وهم :

1 مدونه Fashion World Blog ♡

تكلمت هنا عن واقيات الشمس والمعلومات الخطأ عن واقيات الشمس مررررره مفيد الوست هذا وعرف حاجات

ما كنت اعرفها :

http://blges.blogspot.com/search?updated-max=2013-08-15T12:32:00%2B03:00&max-results=7

..

2مدونه  Janooon ♕

هنا كمان بوست عن واقيات الشمس جميييل جميييل جمييل عرضت فيه انواع كثيره لواقيات الشمس

وراح اجربها إن شاء الله

http://janooona.blogspot.com/2013/08/the-most-important-product-you-need.html

..

طيب كذا اكون ريحت ضميري من واقي الشمس  .

.

.

**** قبل ابدأ في النقاط الثانيه بقولكم حاجه مهمه اعتبرها  :

##  أنا بشرتي مختلطه و مافيها اي حبوب او مشاكل .

**ليه اقولكم هذا الشيء؟!

 عشان لو كتبت مقشر او غسول او اي منتج تكوني عارفه نوع بشرتي وحالتها

عشان ممكن ناسبني لكن ماناسبك فا اول شيء شوفي حاله بشرتك هل فيها مشاكل من حبوب او غيرها

و نوعها جافه عاديه مختلطه دهنيه عشان هذي الاشياء ضروريه وقت تروحي تشتري منتج يعني لا تتقيدي

بنفس المنتجات الي اعرضها لكم ممكن تناسبك ممكن ماتناسب شوفي بشرتك وشوفي كلامي وانتي احكمي

وبس  

.

1- بشره الوجه

.

** غسولات ومقشرات الوجه :

#المقشرات :

 المقشرات مفيده في انها تشيل لك الاوساخ والدهون والخلايا الميته الي تتركم على بشرتك خلال اليوم

وتجدد بشرتك وتخليها نظيفه و مشرقه بما انه احنا نطلع كل يوم للجامعه او للمدرسه او للدوام

فا تتعرض بشرتنا للتراب وعوامل الجو من اوساخ ودهون مع الحر وهذا شي مو كويس لو اهملناها

فا افضل وقت تستخدمي في المقشر هو بعد رجوعك من دوامك 

~ في ناس يقولوا انو الافضل المقشر يستخدم بشكل اسبوعي مو بشكل يومي !!!!!

طيب انا اقول لكم في مقشرات احسها قويه مو قويه يعني احس تقشيرها عميق شوي لان حبيباتها احس ثقيله

هنا ممكن تستخدمي المقشر خلال الاسبوع مثل عندك ستيفز بالمشمش حلو المقشر لكن عن نفسي ما افضل

يكون يومي لان احسها ثقيل شوي حبيباته تقشيرها عميق .

وفي مقشرات حبيباتها خفيفه مرره وتذوب مع المويه مثل عندك مقشر كلين اند كلير الاورنج والاخضر

احس حبيباتها خفيفه يعني ما احس قويه ع البشره لو استخدمها بشكل يومي يعني يدووب تشيل لك الاوساخ

حقت اليوم هذا

|| المقشرات الي استخدمها وكويسه معايه هي : مقشر كلين اند كلير الاورنج و , مقشر ستيفز بالمشمش ||

..

..

# الغسولات :

مهم مرره يكون عندك غسول يومي تستخدميه في اليوم مرتين او على حسب الحاجه

يساعد على نظافه وجهك من الاوساخ من الدهون والشوائب

يعني ضروري كونك بنت صرتي تهتمي ببشرتك يكون عندك غسول مفضل يناسبك

الغسول استخدميه قبل تروحي المدرسه او الجامعه وبعد ماتجي من الدوام

في غسولات خاصه للي بشرتهم فيها حب الشباب بشرتهم جافه او بشرتهم دهنيه او غيره

|| الغسولات الي استخدمها وناسبتني هي : غسول كلين اند كلين الاورنج ,غسول غارنيه ||

** تنبيه : كل غسول ومقشر في الدنيا طبيعي بعده تحسي بجفااف لانه يشيل لك الدهون والزيوت الي في

بشرتك فا بعد الغسول والمقشر محتاجه ترطييب ..

$ الروتين الخاص فيني مع المقشرات والغسولات $

بشكل يومي استخدم مقشر كلين اند كلير الاورنج ونهايه كل اسبوع استخدم مقشر ستيفز

قبل اروح الدوام استخدم غسول كلين اند كلير لانه مرره احس وجهي مفتح ومنور وقت استخدممه

يعطي انتعاش كذا ههههههههاي < اهم شيء انتعاش  .

و بعد ما ارجع استخدم غارنيه لان احسه من جد ينظف احس وقت امسك وجهي كأني ماسكه زجاج توهم

منظفينه < يمديكم ع الوصف ههههههههههههههههه واحيان استخدمه كمان قبل ما انام

 بس جد مرتاحه مع الروتين هذا .

..

2- إزاله الميك اب :

..

بعد ماترجعي من الدوام ضروري تشيلي الميك اب من وجهك لان لو خليتيه

راح يسد لك المسامات وتكون لك رؤوس سوداء وراح تتبهذل بشرتك معاك

انا استخدم المناديل الخاصه بإزله الميك اب وهي { جونسون , دوف , ديتول }

كلها حلويين معايا وبعدي كذا استخدم الكريم و الملطف{ تونر } بفتامين E من بودي شوب هو مو

مخصص لازاله الميك اب لكن انا استخدمه لها هههههههههههه طبعا بقطن

في كثير مزيلات الميك اب شوفي الي يريحك اهم شي الميك اب لا تخلينه في وجهك ههههههه

3- الشعر

..

#الشامبو :

ضروري تعرفي الشامبو الي يناسب شعرك صنفي حاله شعر هل هو دهني هل هو جاف هل هو تالف

هنا وقت تشتري الشامبو راح تلقي على العبوه اكثر من نوع مكتوب اما للشعر التالف او الباهت او الخ

اختاري الي يناسبك اختاري شركه الشامبو مثلا انا شامبو برت مرررره سيء ما عجبني ابدا

لانه اعطى شعري بهاتان و نفششه فيه مو طبيعيه عشان كذا ماحبيته

|| شامبوهات استخدمها : صانسيلك و اذا كان شعرك يعاني من القشره  هيد اند شولدرز مناسب ||

** تنبيه 1 : كثره استخدام الشامبو ع الشعر اي كان نوع الشامبو تخلي شعرك باهت مع الوقت

عشان كذا مو لازم تغسلي شعرك كل يوم اكتفي بثلاث ايام في الاسبوع لان لو غسلتيه كل يوم

راح يتساقط مع الوقت راح يكون باهت وتالف وغير كذا شعرك محتاج الزيوت الي تفرزها فروه الراس ..

** تنبيه 2  : اخر شطفه لشعرك استخدمي المويه البارده ودلكي فروه راسك مع المويه البارده عشان تتسكر منابت

الشعر فابتالي ماراح يتساقط شعرك  ..

..

## ماسكات الشعر :

ممكن اقول لك انو ضروري يكون عندك ماسك للشعر لييه !!؟

اول شيء ماسكات الشعر تخلي شعرك حيوي وغير كذا لو كنتي تستخدمي الاستشوار

راح تساعد على فرد شعرك

ولو ماكنتي تستخدمي الاستشوار راح يعطيك نعومه ماراح يخلي شعرك منفكوش او في نفشه ههههههههه

انا استخدم الماسك لاني ماستخدم الاستشوار خلال الدوام فا يساعدني اني اتحكم في شعري

يعني معطيني شعر طبيعي وما يفششل هههههههههههاي

في كثير ماسكات لكن الي جربتهم 2 فقط

|| المساكات الي استخدمها : فاشكول بأي نوع و , ماكديميا || كل الاثنين هذي كويسين معايه

كيييف استخدم الماسك ؟ غسلي شعرك بالشامبو , بعد كذا حطي الماسك على شعرك و وزعيه باطراف اصابعك

ع الاطراف وخليه تقريبا 10 دقائق وبعدين اشطفي شعرك كويس

*** ملاحظه // غسلي شعرك كويس من الشامبو والماسك لان مو كويس يبقى شي منها ع شعرك

مهما كان الا ان مكوناتها غلط تبقى في شعرك ممكن تسبب لك قششره وممكن تسبب لك تساقط في الشعر .

..

# زيوت الشعر :

دلعي شعرك نهايه كل اسبوع بخلطات مفيده او زيوت تعوضيه عن حراراه الشمس الي تعرض

لها والتراب والدهون فا نهايه كل اسبوع ممكن تجيبي لك زيت وتدهني شعرك او اي خلطه

حابتها استخدميها نهايه كل اسبوع ^^

|| الزيت الي استخدمه حاليا : زيت الباراشوت ثيرابي قالت لي عنه شغاله خالتي الهنديه

تقول انه يكثف الششعر وانه مررره كويسه سمعته في الهند فا موش خسرانه حاليا استخدمه

بس اذا كنتي بتشتريه اتأكدي ان البلد المنتج الهند لان شفت مثله بس من انتاج الامارات ||

..

4- عنايتك بالجسم { الاستحمام }  :

كلنا عندنا طرق مختلفه في الششاور الي ناخذه وفي الي الشاور اليومي غير عن الاسبوعي

بس هنا انا جبت لكم منتجات خاصه بالشاور اليومي لان الشاور الاسبوعي يبغاله بوست لوحده وراح اتكلم عنه

في الايام الجايه إن شاء الله ....

..

..

# غسولات ومقشرات وزبد الجسسم :

عندك هنا شاور جل من مجموعه لايف از  و سكرب خفيف بجوز الهند للجسم كلهم من بودي شوب

يعني لا تسخدمي هذي المنتجين مع بعض مثلا انا

 يوم استخدم مجموعه لايف از الجل وبخاخ الجسم مع بعض واكتفي فيهم و بالترطيب بعدها

ويوم استخدم سكرب وزبده جوز الهند يعني كذا اغير ع نفسي ومرره عجبتني زبده وسكرب جوز الهند

خصوصا السكرب حسسيته يعطي نعومه وتقشيره خفيف يعني يصلح يومي ..

** ايوه في كمان مجموعه المانجو من بودي ششوب مررره عجبتني سواء السكرب و شاور جل و الزبده

مررره جميلين وريحتهم ترد الروح وترطيبه جميل كمانه

..

# منطقه الابط :

ما احب احط بالمنطقه هذي اشياء عطريه لانها مكتومه احس و مدري مع العطر ممكن تسمر لك المنطقه

فا افضل انه ما استخدم عطور ع المنطقه اكتفي بالشاور  بالشاور جل اي كان ريحته

المنطقه هذي حساسه ويبغالك تعتني فيها باستمرار اول شيء لازم تنتفي الشعر من المنطقه

في الي تقول اشيل الشعر بالموس لا مرره غلط اولا مارح تنظف المنطقه من الشعر كويس

ثانيه الرسول صلى الله عليه وسلم وصى بنتف المنطقه هذي نتف وليس حلق

 والموس يحلق ماينتف الشعر من جذوره

** كيف اشيل الشعر / انا استخدم حاجتين لهذي المنتطقه اما الفيت او الاله الخاصه بإزاله الشعر والاسهل طبعا الاله .

*طيب نجي للتعرق كنت زمان استخدم خلطه مره جميله تفتح لك المنطقه وغير كذا مافي ريحه عرق ابدا لو تصبي عرق ماتطلع

ريحه ,لان ماما الله يحفظها كانت ترفض نستخدم مزيلات العرق

بس بعد البلوقرز والمدح ع مزيل بيزلين الخالي من العطر قررت اني اجربه وطبعا بعد ما تأكدت ماما انه مافي عطر

ههههههههههههههه جربته تقريبا لي سنه مررره ممتاز ما سمر المنطقه ومافي ريحه خلال اليوم

لكن مادري اتوقع انو راح ارجع ع الخلطه وان شاء الله راح اكتب عنها بوست هههههه

* عنايتي بهذي المنطقه  زيت جونسون للاطفال

بعد ما انظف المنطقه اما بتونر وانظفها خلال الشاور كويس عشان البكتيريا

انشف المنطقه من المويه وامسح المنطقه بزيت جونسون للاطفال بيبي اويل وارطب جسمي الباقي

لحد ما احس تشربت المنطقه الزيت و احط مسحه من مزيل العرق الخاص فيني و اسيبه لحد مايجف

والبس ملابسي ^^

..

# مرطبات عطريه بعد الشاور :

ما استخدم المرطبات العطريه كل يوم ابدا ممكن في الاسبوع مرتين او مره يعني ع حسب مزاجي ^^

*اذا كنتي تبغين اشياء فيها عطر للجسم عندك مثلا زبده المانجو من بودي شوب مرطبه

وفي نفس الوقت ريحتها جمييييييله مرررره

*بودي لوجي عندهم روائح حلوه اخذتها من صيدليه وايتس بالرياض استخدمي بخاخ الجسم معاها

عشان تثبت ريحه اللوشن ..

..

# مرطبات الجسسم وللوجه ضروريه :

بعد الشاور مررره ضروري تستخدمي مرطبات عشان ما تحسي بجفاف بجسمك او وجهك

شوفي نوع بشرتك واختاري لها المرطب المناسب لها في مرطبات قويه تنفع للبشرات الجافه

وفي مرطبات خفيفيه تنفع للدهنيه والعاديه والمختلطه الجفاف اساس مشاكل البشره

و اساس اختلاف للون البشره من من منطقه للاخرى عشان كذا دايم حاولي ان بشرتك ماتجف

*شايفين الصوره كل هذي المرطبات استخدمها وفي كمان غيرها لكن ماصورتها

عندك كريم واحد وعشرين و الفازلين الجل هذي ادهن فيها المناطق الي تحتاج ترطيب عميق

مثل عندك الاطواع والركب اما فازلين الي بزبده الكاكاو والكريم الي بزبده الشيا والكاكاو من بودي شوب

هذي الاثنين لبقيه الجسسم ^^

** تنبيه: الفازلين الجل الي في الصوره الي ب الصبار ترى مايدبق مثل الفازلين الثاني لا خفيف مره

واحس بسسرعه تتشربه البشره بس تبىق المنطقه مترطبه مرره حبيته  ^^

..

5- نظافه الاسنان :

# نظافه الاسنان تكون

بحاجتين بالمعجون والفرشه و الغسسول انا اضفت حاجه ثالثه لروتيني الي هومطهرات

الفم من لشش كان من ضمن مشترياتي من لشش وكتبت بوست عن المشتريات والي تبغى تشوف

طريقه استخدامه و الكلام الي كتبته عنه هذا رابط مشترياتي تقدري تدخلي وتشوفي طريقه الاستخدام \بالصور

http://beauty9950.blogspot.com/2013/03/lush-haul.html

مره عجبني المطهر هذا و حسيت اعطى فمي انتعاش وكذا هههههه

الغسول استخدم غسول دنتا كير و المعجون كريست كلهم كويسين معايا .

..

6- دلعي نفسك{ منوع } :

# بعد ماتجي من الدوام وبعد ماغسلتي وجهك ونظفتيه من الميك اب وغيره وجايه بتأخذي لك

غفوه  نظفي وجهك بالاسكنول بقطن امسحي وجهك واختاري اي نوع اسكنول في بالليمون وغيره انواع كثيره

وبعدها بخي على وجهك مويه ورد ممكن تحطيها ع التسريحه وتعبيها في بخاخ ودلعي نفسك فيها

بس لا تحطي منها وانتي رايحه للدوام لانها تسمر مع الشمس =(

..

..

# بعد الشاور خلي عندك عطر خاص لبعد الشاور تبخي في ملابسك

او تولات تعجبك روائحها

عندك محل اجمل عندهم تولات خفيفه روائحها وحلوه بعد الشاور

وعندك العربيه للعود مخلط نغم عشششقي جمييله ريحته واهوس عندها

او استخدمي عطر بخاخ احس عطر لايف از مناسب لبعد الشاور لان ما احس يناسب

تحطي منه في الجامعه او المدرسه او للدوام او غييره

شعرك كمان دلعيه واستخدمي خمريات الشعر وشعرك مبلول حطي شوي من الخمريه

ع يدك ودخلي يدك بين شعرك الخمريات كثير ممكن تلقيها عند الماجد

انا اخذت الي بالصوره من مهرجان الورد بريحه الورد حلوه ريحتها مرره ورايقه

..

..

# المسسك مين ما يحب المسك هههههههههههههه

المهم الي ع اليسار هذا قطعيه مربعات صغيره ودخليه بين ملابسك في الدولاب

اما الي ع اليمين المسك الابيض الحر هذا له طرق كثيره ممكن تطحنيه وتحطيه مع مويه

في بخااخ وتبخي جسمك فيه آو استخدميه لمنطقه الابط اخلطيه مع زيت وحطيه ع بعض المناطق في جسمك

ممكن تخلطيه مع الكريم المرطب الخاص فيك بيخلي ريحتك تفتح النفسس

..

كذا اكون خلصت البوست حبيباتي إن شاء الله انكم استفدتوا منه لو شوي

اي اقتراح استفسار موضوع حابه اتكلم عنه كل معلومات الاتصال موجوده ع يمين الصفحه

واذا حابه تشوفي جديدي اشتركي في المدونه ويوصلك كل جديد

يسعدكم ربي

 .