كيفيه رسم الحواجب How to draw eyebrows

السلام عليكم ورحمة الله وبركاته 

يسعد ايامكم ياجميلات 

إن شاء الله كلكم بخير 

..

بدخل بالموضوع دغري لاني احس طولت فيه 

بما اني وعدت وحده من الجميلات  

اسمها Abeer Mohammad عبير محمد 

 انو اسوي بوست عن رسم الحواجب قبل تبدأ دوامات الجامعيات 

لاني ماتكلمت عن رسم الحواجب في بوست الميك اب كثير يدوب بس المنتجات الي استخدمها 

فا إن شاء الله انها تشوف البوست ^^ 

..

آحب تكون الحواجب على اي وجه طبيعيه يعني تعديل بسيط ويكفي 

صراحه احيان نشوف بدع في الجامعات او المناسبات في الحواجب 

في الي تشييل لك شششششعر الحواجب كله وترسم بالقلم يعني فييييين العقل والله من جد شيء يقهر 

اول ششيء حرااااااااام حراااااااااااام النمص بكل انواعه سواء تخفيف او تشيليها كلها 

وقد مايكون الششكل بششع عليك تخيلوها ماعندها شعر في الحواجب وجايتك بس برسم لا لا لا انا ماتدخل عقلي 

والنمص والله يا بنات منتشر هذي الايام وصرنا نشوف نادر وحده مو نامصه حواجبها وعلى ايش 

عشان يطلع شكلك حلو !! الله هو الي خلقك الحين التجميل ماخلى ططريقه عشان تخفينها وبعد مصرين ع النمص 

المهم مو ذا موضوعنا بس انقهرت من ذا الشي عشان كذا تفاعلت معه ههههههههههههه 

..

*كيف نرسم الحواجب بشكل طبيعي 

عندك حاجتين تعطيك شكل طبيعي وتنفع للدوامات بشكل عام هي 

1- بودره الحواجب 

2- قلم الحواجب

انا اشوفها كل الاثنين اذا استخدموا صح / راح تعطيك شكل طبيعي لحواجبك 

* بودره الحواجب في ماركات كثير توفرها انا حاليا زي ماقلت استخدم بودره بودي شوب 

لكن عندك ماك وبيبي براون كلها سمعت عنها مدح 

*قلم الحواجب هذا كمان في ماركات كثير عندها انا اتسخدم حاليا تبع بودي شوب 

..

طيب الي جربت بودره بودي شوب صراحه الي ماعجبني فيها الفرشه الي معها ماترسم عدل 

عشان كذا جيبي لك فرشششه مشطوفه او سميل انجل او يسمونها بيفلد برش Beveled brush 

في فرش سيجما اسمها سميل انجل Smell angle وانا استخدم الي من سيجما واذا تبغون تشوفون البوست 

الي تكلمت عنه في فرش سيجما هذا هو 

http://beauty9950.blogspot.com/2013/02/brushes-sigma.html

.

وهذا هو شكل الفرشه 

..

شويه نصائح لرسم الحواجب انا استخدمها؟! 

1- وقت استخدم البودره او القلم ابدأ الرسم من نص الحاجب وامشي لجهه البدايه 

وبعدين لجهه النهايه وكل ما قربتي للنهايه كل ماكان الحاجب انحف 

2- حاولي تحددي بالبودره  او القلم بس مو تحديد واضح لا بسيط جدا على حدود حواجبك 

إذا بتستخدمي البودره في التحديد للحواجب افضل تحطي معاها مويه شوي 

3-استخدمي فرشه الحواجب او مشط الحواجب عشان توزعي البودره او القلم على الحواجب 

وعشان كمان ترتبي شعر الحواجب 

..

طيب راح اوريكم صور حواجب اختي الصغيره قبل وبعد هههههههههه{ ما شاء الله } 

..

قبل 

بعد 

ميزه حواجب اختي خفيفه ودايم الحواجب الخفيفه سهل تتحكمي فيها عكس الثقيله ^^

..

مقطع فيديو تقولك كيف ترسمين الحواجب هيا في المقطع استخدمت 

غير الي استخدمها انا بدل البودره استخدمت شادو حلو لو ماتوفر عندك البودره تقدري 

تستغني عنها بالشادو وهي كمان استخدمت جل بني من ماك انا استخدم قلم واهم شيء 

يكون مبري كويسسس عشان الحدود ماتكون حاده يعني يكون شكلها طبيعي 

وبعدين انتي ونظرك تشوفي حواجبك وتعدلي من هنا وهنا لحد

ماتوصلين لنتيجه راضيه عنها أوكي ^^ .

..

وهذا هو المقطع 

*ملاحظه // الي في المقطع حواجبها خفيفه في بنات يعانوا من الحواجب الثقيله او الي طايره بدايتها 

في ماسكرا خاصه بالحواجب تجيك شفافه تلقيها عنند اغلب الماركات تساعدك في 

انها تثبت حواجبك وماتعطيها الشكل الطايرهههههههههه > اهم شيء شكل طاير هههه 

..

وعشان تعرفي كيف تحددي بدايه الحاجب ونهايته شوفي هذا المقطع يشرح لك بالطريقه 

وغير كذا هنا استخدمت بس فرشه الحواجب والقلم فقط 

..

..

بس كذا يكون البوست انتهى ان شاء الله اني مانسيت حاجه الا وذكرتها 

باقي لي طلب واحد واكون وفيت بوعودي ههههههههه واسفه ع التأخير ^^ 

الي هو راح اسوي تنسيقات ثانيه لملابس الجامعه مثل ماوعدتكم كلكم ^^ 

المهم والله تستاهلوا كل خير عشان كذا اي اقتراح اي موضوع حابه 

أن اتكلم فيه ارسلي لي ومايصير خاطرك الا طيب 

اذا عجبتكم المدونه اشتركوا فيها و انشروها قد ماتقدروا 

وشكرا للمتابعات الجدد سواء هنا في البلوق او تويتر او الانستقرام 

إن شاء الله اكون عند حسن ظنكم 

يسعدكم ربي 

 . .