سوي مزيل العرق عندك / العنايه بمنطقة الاندر ارمز {الابط} Deodorant

.

السلام عليكم ورحمة الله وبركاته 

يسعد ايامكم حبيباتي 

كيفكم ؟! إن شاء الله الجميع بخير 

..

بوست اليوم عن منطقه الابط او الاندر آرمز 

سويت بوست قبل فتره عن العنايه الكامله للعوده للمدارس والجامعه 

وكان من ضمن الي تكلمت عنها الي هو الديودرنت او مزيل العرق وقلت انه في ديودرنت كنت اسويه عندي بالبيت 

واستخدمه قبل ما اجرب بيزلين 

وقلت لكم انو راح اكتب عن الديودرنت الي كنت استخدمه وكثير بنات طلبوا مني الطريقه 

فاا انا جبت الاغراض وسويته من جديد و وقفت البيزلين وصرت استخدم الخلطه هذي 

وجربتها اسبوع للحين نفس نتايجها الي قبل يعني اللهم لك الحمد ماتغير علي ههههههههههه 

طيب الي تبغى تشوف بوست العنايه الكامله هذا هو :

http://beauty9950.blogspot.com/2013/08/back-to-school-back-to-university.html

..

قبل اكتب مكونات الطريقه و قبل اتدخل في تفاصيلها ابغى انوه عن شغله عشان اريح ضميري 

* الطريقه هذي لقيت مشابهه لها في النت و كثير ما نفعت معهم لييه ؟!

كل وحده فينا تختلف نسبه العرق وريحته من وحده لثانيه في ناس ريحه العرق قويه عندهم وممكن

تطلع من ادنى مجهود حتى بوجود المزيلات 

وفي ناس ريحه العرق عندهم خفيفه مرره وماتطلع بسرعه 

هذي الاختلافات خليها في بالك لان ممكن تروحي تشتري الاغراض وفي النهايه ماتناسبك وعلى العكس في ناس ناسبتهم 

لكن ماراح تندمي من التجربه دايم جربي جربي لحد ماتوصلين لشيء راضيه عنه 

بالنسبه لي وبالنسبه للي اعرفهم وجربوا الطريقه هذي الكل يمدحها وفي ناس كمان فتحت لهم المنطقه 

وانا كنت استخدمها من سنين على سنه كذا استخدمت البيزلين 

بالنسبه لي صراحه افضلها عن البيزلين مدري ارتحت لها اكثر ^^

..

بسم الله نبدأ .. 

** المكونات : 

1-شبه او الشب  {مطحون او حجر تطحنيه عندك الافضل حجر وانتي تطحنيه } تلقينها عند العطارين 

2-كريم { اي كريم عندك بدون عطر وبنفس الوقت مو سائل مره مثل فازلين الكاكاو والانواع الثانيه }

 { مثل الجليسوليد او دوف } 

3-مسك ابيض { حجر او مطحون } 

4-نشا { هنا ع حسب الرغبه لكن اذا بتحطي نشا احفظي الخلطه في الثلاجه عشان ماتعفن } 

**الطريقه :

ملعقه كبيره من الكريم و ملعقه كبيره من الشبه وملعقه صغيره من المسك والنشا تخلطيها مع بعض 

تقدري تزيدي الكميه ع حسب العلبه عندك 

تصير لك مثل الكريم العادي تدهني في المنطقه بعد ماتشيلي الشعر

المسك اذا جبتي الحجر مثلي اطحنيه وبسس ^^

..

ملاحظات : 

*في كثثير يذم الشبه =الشب ليه مدري على انه احس ماشفت منها بالعكس 

مره كانت حلوه وهي اساس الطريقه هذي 

*اذا حطيتي نشا في الطريقه احفضيها في الثلاجه لان مع الوقت راح تعفن وتضطري تسوي خلطه جديده 

*انا استخدمها بشكل يوم بما انه يوما اتروش فا بشكل يومي احطها 

*خلال اليوم مهما عرقت مهما انكرفت ماا تطلع فيني ريحه ولا تحبس العرق بس ريحه مافي 

*الشبه او الشب  تلقينها عند العطارين اما مطحونه او حجر الافضل تأخذيها حجر

 وتطحنيها عندك في البيت تصير لك مثل البودره 

*فوائد الشب كثثيره ومن ضمن فوائدها ازاله رائحه العرق وكمان لها اضرار لو تروحي تسوي سيرش عنها راح تعرفيها .

..

بس كذا يكون البوست خلص إي استفسار اي سؤال اسئلي انا بخدمتكم 

إن شاء الله انه يكون البوست عجبكم 

والي تجرب الخلطه ونفعت معها لا تنسى تقولي مرره ابغاكم تجربوها وتقولولي على النتايج حتى لو 

كانت نتايج مو راضيه عليها ^^ 

يسعدكم ربي حبيباتي ^^