السلام عليكم ورحمة الله وبركاته
يسعد ايامكم يارب
كيف حالكم إن شاء الله الجميع بخير
والاجازه جميله عليكم
وقلت ابرد عليكم مع الحر بالبوست هذا
وفجأه وانا اخبص لي ايس كريم من راسي
طلعت معاي الطريقة هذي ترى انا ما شفتها عند احد يعني من راسي مدري اذا انا قديمه
بس كويس اني فكرت هههههههههههههه ^^
المهم وانا اخبص طلعت معاي الطريقه اللزيزه الي ذحين بقولها لكم
طبعا فكرتها جاتني من الايس الكريم الي نجيبها من برا مثل ايس كريم بنك بيري و فروزن يوقرت وغيرهم ^^
مره عجبتني وسهله مايبغالها شي ^^
..
..
..
المقادير :
المقادير :
*ايس كريم فانيلا
*توت ازرق
*فواكه من المعلبات تلاقيها في السوبر ماركت
وممكن تستبدليها ب فواكه عاديه موش معلبه
عندكم اناناس خوخ وغيره
*شوكولاته هيرشي
*جرانولا انا جبت الموجود في الصوره من الدانوب ممكن تستبدليه ب المكسرات
وممكن اذا انتي ماتحبي طعمه لان كثير ما يحبوه تشيليه مره
بس انا احطه لانه مفيد مره وابغى استفيد منه ^^
الطريقه :
تحطي الكميه الي تبغينها من ايس كريم الفانيلا
وتحطي فوقه الجرانولا والفواكه والتوت
وبعدها حطي عليها شويه من الهرشي
وبس :)
..
..
بالعافيه عليكم ^^
إن شاء الله البوست عجبكم :)
واشوفكم في بوست ثاني ^^
ليست هناك تعليقات:
إرسال تعليق