السلام عليكم ورحمة الله وبركاته
يسعد ايامكم حبايبي
هذا البوست تابع لسلسله استعداد للمناسبه
وهو شعرك وشكل شعرك النهائي بعد اجهزه التصفيف
..
آكيد كلنا بنستخدم في المناسبات اجهزه التصفيف سواء الاستشوار الهواء او السيراميك او الفير
انتي والتسريحه الي بتسويها ...
فا عشان يسهل عليك الاستشوار جبت لكم الحاجات الي اسويها انا عشان يبين ع شعري اللمعه
والنعومه الجميله فيه ...
طيب بقول لكم الطريقه والاشياء الي تحتاجينها في نفس الوقت وريفيو بسيط ع كل منتج :
..
..
1- زيت ما ابغى احدد لك نوع زيت لكن بوصيكم ع زيت اسمه زيت الحشيش الاخضر
آخذته من الطائف سوق البلد من عند واحد من العطاريين هناك وملاحظين انه معبيه لي
في علبه مويه هههههههههههههه ^^
بس الي حبيته في الزيت هذا خفيف وبنفس الوقت وقت تغسليه احس شعري خفيف وحلو
بعد الاستشوار ^^
في حاجه حبيتها في الزيت بس مو قادره اوصفها بس حسيتها في شعري :)
وفي عندكم زيت جوز الهند اي نوع او زيت البراشوت كمان زيت البراشوت خفيف وبسرعه يطلع
من الشعر ويعطي الشعر نعومه حلوه ويسهل الاستشوار عليك ..
*دهني شعرك بالزيت وخصوصا اطراف شعرك عشان مايتكسر مع الاستشوار دلكي فروه
راسك بالزيت واربطي كيس عليه او القبعات البلاستيكه اذا عندك وخليه مده ساعه تقريبا ..
..
2- غسلي شعرك بالشامبو المفضل عندك انا قلت لكم حاليا استخدم شامبوH- KERATINEUM
تكلمت لكم عنه هنا :
نظفي شعرك مزبوط من الزيت اخر شطفه حاولي تكون المويه بارده عشان تقفل المسامات وشعرك مايطيح ^^
..
3- استخدمي حمام زيت انا طحت في غرام الجميل مين تيل هيربال قرو
المشكله ماتحصلوه الا في الدانوب مادري اذا موجود في اماكن ثانيه
بس مرره جميل اول شيء جففي شعرك من المويه وبعدين اخذي شوي منه
وحطيه ع شعرك دلكي شعرك فيه من فوق الا تحت والاطراف ركزي عليها
خليه في شعرك لمده عشر دقايق وبعدين غسليه مزبوط ولا تخلي يبقى منه شي
ع شعرك ,
اذا بتستخدمي ماسك ثاني مثل فاشكول او ماكديميا متوفر في كل مكان
لا تحطيه ع فروه راسك ... :)
** بالنسبه لحمام الزيت مين تيل هيربال قرو ان شاء الله راح اسوي ريفيو عنه لاني خلصت العلبه هذي
وراح ارجع اشتريه و احتمال اشتري الشامبو من نفس النوع ...
مره حلو للي شعرها ضعيف ويتساقط :)
4- غسلي شعرك وجففي شعرك بالمنشفه وخليه شوي رطب
وحطي الخمريه المفضله عندك انا استخدم خمريه بريحه الورد الطائفي
مره حلوه ريحتها تحصلونها عند اي مكان يبيع منتجات الورد الطائفي
او اي خمريه ثانيه استخدمي بس عشان ريحه الزيت :)
..
وبس راح تلاحظي ان الاستشوار سهل عليك و شعرك راح يطلع جميل بإنن الله ^^
كذا خلص البوست إن شاء الله يكون خفيف وعجبكم
يسعدكم ربي
:)
ليست هناك تعليقات:
إرسال تعليق