العودة للمدرسة / أيش تأخذي في الشنطة ؟! Back to school : What's in a school bag

السلام عليكم ورحمة الله وبركاته 

يسعد ايامكم حبايبي 

كيف حالكم أيش اخباركم 

آعرف ان المدارس قربت وان هذا الشي مضايق الكل 

ادري وانا اولكم بنرجع للربطه و الالتزام ومعد في سهر ادري كل هذي الحاجات بنفقدها و يحزن الموضوع 

لدرجة ودنا نبكي < ماتحسون اني زودتها هههههههههههههه ^^ 

من جد مين مايحب الاجازة ^^ ! 

المهم الموضوع هذا انطلب كثير وفي فترات متباعده وادري اني زودتها 

فا لازم اسوي طلبكم ^^ 

وبما اني شغاله في الانستقرام لبنات الجامعه فا الموضوع هذا مخصصته لبنات المدرسه 

لان حسيت بنات الجامعه كل وحده تختلف الاشياء الي تاخذها ع حسب تخصصها < مدري يعني !! 

المهم الموضوع ايش تأخذي في شنطة المدرسه ؟ 

فكره الموضوع موجوده في القنوات الاجنبيه احسهم يتحمسوا للدراسه اكثر منا ترى 

لاحظت في قنواتهم وعلى افكارهم اقبال يعني اتوقع لو سويت نفس حركاتهم هنا بـ تستهبلوني شوي هههههههه

على انه صاحبات القنوات اعمارهم 15 16 17 سنه يعني في المتوسط احس لو اقولها لبنات المتوسط 

بيقولوا { شايفتنا بزران } *.*  

احس مره عندهم العوده للدراسه كأنه يوم عيد عندهم يجهزوا من بدري الدفاتر و يدلعوا دفاترهم والاقلام والملفات 

عجبتني افكارهم يشجعوا نفسهم للدراسه ههههههههههههههه 

اتوقع راح اسوي افكارهم لاخواتي الصغار مدري للحين ما قررت لكن اذا طبقتها راح انزلها لكم في بوست 

حلوه لاخواتك الصغار او لو كنتي ام وعندك كتاكيت صغار تسوي لهم حركات الدلع والتميز هذي مدري مدري 

كيف بتستقبلوا فكره الموضوع المهم الي مو فاهمه وش اخربط بالكلام تدخل ع اليويتيوب وتكتب Back to school ^^ 

خلاص بسكت وادخل ع موضوعنا *.*

.. 

المهم ايش تأخذي في الشنطه عشان ابين لكم الصورة اكثر راح اعرض لكم 

منتجات هنا ميك اب بس ماراح اتعمق كثير لان انتي باقي في المدرسه 

أخترت من المجموعه الي عندي حاجات تناسب لك في المدرسه 

عشان كذا لو كان الميك اب مسموح عنددكم مادري كيف صارت انظمة المدارس الحين 

ابغاكي تشوفي هذا البوست مرره متأكده أنه بيفيدك ويتعمق اكثر في ميك اب الصباح

http://diamond9950.blogspot.com/2014/02/mauekup-daily.html

.

.

بسم الله نبدأ :) 

.

عشان تنظمي شنطتك وما تكون حوسه مثل شنطتي ^^

1- دايم حطي شنطة ميك اب او واقي شمس والمعقمات والبنس والمشط 

.

2- محفظة الفلوس ^^

.

3-محفظة او مقلمة اقلام والمراسم وكذا 

أنا ما استخدمها لاني في الجامعه وكلها ع بعضها قلمين الي اخذها واعلقها في نفس الدفتر حقي :) 

.

4- كنت بصور لكم ملف لان احس ضروري ينظم لك اي ورق تأخذيه من عند المعلمه يعني ينظم لك الاوراق 

بدل ماتكون متناثره في الشنطه مو ملف ابو جيوب كثيره لا , شوفوا صورته ^^

.

أنا في الجامعه واحس منظمني وانا يمكن ماعندي اوراق كثيره بس مستفيده منه حتى احطه 

في دولابي في الجامعه اي ورقه اي ملاحظات كتبتها على طول في الملف هذا :) 
.

.

5- بوست نوت الي تجيك اوراق صغيره ملونه تقدري تلصقيها في اي مكان بعد ماتكتبي في الورقه 

حلوه بتستفيدي منها كثير يعني مثلا عندك مادة رياضيات في نقطة او مثال تبغين تكتبي شرح كيف انحل السؤال 

تكتبي في النوت هذي وتلصقي الورقه عند المثال منها يكون ترتيب ولا تحوسي وقت المذاكره ^^ 

في الجامعه ما استخدمها كثير لان تخصصي مايحتاج احفظ وامشي هههههههه ^^ 

.

6- دفتر صغير تدوني في اسئله مهمه تدوني فيه الانشطه المطلوبه من كل ماده 

يعني احسه مهم كمان يكون في شنطتك انا في البيت واستفيد منه حتى عندي اثنين هههههههه ^^ 

.

7-بضيف حاجه احب تأخذي شي معك تستفيدي منه وقت الفراغ يعني كتاب روايه 

مثلا انا عندي دفتر اكتب في دروس انجليزي الي اخذها فا اخذه معاي الجامعه 

وقت الفراغ وصاحباتي يكونوا مشغولين استفيد من الوقت بما اني صاحيه من النوم ههههههه 

مدري بدأت اسوي الحركه هذي من دخلت الجامعه لاني بصراحه ما احب اطفش يعني طول ما انا 

فاضيه استغل هذا الوقت عشان ما اطفش وعشان كمان استفيد :) 

.

8- المعقمات مهمه يعني ما اقدر اتحرك بدونها استخدمي اي معقمات 

انا استخدم حقت باث اند بودي وركس ممكن تأخذي اي معقم من الصيدليه 

قبل تأكلي بعد ماتطلعي من الحمام الله يكرمكم ..^^ 

.

.

9- مناديل شي ضروري تشيلي مناديل معاك ودايم في الصباح الف لي مناديل واخذها 

عاده فيني من ايام الطفوله حتى زمان كانوا في المدرسه على طول مناديل عند شهد بتلقون هههههههه ^^ 

.

10-المرايه هذي ما بوصيكم فيها ايامي وجننا المعلمات بالمرايات اجل كيف ايامكم ^^ 

.

11- واقي الشمس مره مهم يكون معاك لان كل بعد ساعتين تحطي منه ضروري مره 

عشان بشرتك ما تتعب من الشمس في واقيات بلون وفي بدون الي مصورته هنا بلون تكنوسكن 

من الواقيات الي احبها كثير وخفيفه ع بشرتي انا بشرتي مختلطه منطقه الجبين والانف والذقن عندي دهنيه بس شوي 

يعني مو مره وباقي الوجه جاف اقرب للعادي ناسبني مره ^^ 

عشان تفاصيل اكثر لواقيات الشمس شوفوا الرابط الي حطيته لكم فوق ^^

.

12- مرطب شفايف سيباميد و واقي كمان من الشمس حلو مره ممتاز ^^ 

.

.

13- مرطب يد عندكم مرطب كيوفي انا عشان بشرة جسمي جافه وكمان يدي فا عجبني 

ترطيب هذا قوي ترطيبه بس الافضل انك تحطي من واقي الشمس كمان ع يدك ^^ 

.

14- عطر احس شي ضروري يكون عندك عطر في الشنطه وتكون ريحته خفيفه ومناسبه للصباح 

حطيت لكم خيار هنا الي هو عطر موسكينو جلامور جدا جدا فخم ولا على سعره اخذته ب 200 وشوي 

وهذاك الوقت كانت ميزانيتي موش ولابد فا طاح اختياري عليه مره أحبه

 ريحته رايقه وبنفس الوقت مميزه < افهموا الوصف يلا ^^ 

ما بجبركم عليه كل وحده لها عطرها الي تحبه هههههههههه ^^ 

.

15- مشط / بنس /ربطات شعر هههههه ينكش شعرك يستهبل عليك تكون عندك احتياطاتك ههههههه ^^ 

.

16- لو كان الميك اب مسموح عندكم بقول لكم خياراتي لكم الافضل لكم يعني ^^ 

ماسكرا : قريت لاش من ميبلين تبين طبيعيه وتنفع مره لكونك في المدرسه ومع الصباح رايقه ^^ 

الروج : بوزي تنت ينفع روج و بلاشر خفيف وثابت . كمان من نمبر سفن اسمه Mulberry gلونه يبين طبيعي 

عشان تشوفوا السواتش ادخلوا ع الرابط الي حطيته لكم فوق :) 

الكحل : ميبلين حلو اسود بس افضل بما انك في المدرسه استخدمي يا كحل بني مثل حق بودي شوب او بيج يبين 

مرره طبيعي وحلو لك في المدرسه :) 

بي بي كريم : انصحكم بحق ميبلين اكثر من حق بودي شوب لانه اخف بشوي من بودي شوب 

عموما لو حابه تفاصيل اكثر عن الميك اب ادخلي الرابط الي حاطته لكم فوق وبس ^^ 

..

كذا خلص البوست إن شاء الله كان خفيف وعجبكم 

لاتنسوا تعطوني رايكم لان دعم لي وسعاده كمان 

انتظروني في البوست الجاي واسفه لو تأخرت حبتين لان كل الكلام جاهز بس 

الصور متعبتني شوي لان قد ما اقدر احاول اخليها من تصوري أفضل :) 

يسعدكم المولى ^^